Dhundhli si kuch yaadein
Palkon main saja li hai maine
Dhoondti hoon unme
Kuch khoye lamhe
Kabhi Hansi Muskurahoton main
To kabhi un bhigi siskiyon main
Dhoondti hoon tumhe!!
Un soonsaan galiyon main
Anjaan bheed ki parchayi main
Dhoondti hoon tumhe!!
Un sukhe hue phoolon main
Un bejaan tasveeron main
Dhoondti hoon tumhe!!
Milon faili tanhaiyi main
Dhadakte dil ki gehrayee main
Dhoondti hoon tumhe!!
Un Khamosh aahon main
Toote sapno ki rahon main,
Dhoondti hoon tumhe!!
Khali dil ke kamre main
Sooni aakhon ke aaine main
dhoondti hoon tumhe!!
Aasman ke chadar tale
Zameen ke baahon pare
Aaj bhi dhoond rahi hoon tumhe.....
2 comments:
i loved the start! it reminded me of somethin! :)
@ Leo,
:)
Post a Comment